الثلاثاء، 1 سبتمبر 2009
حبل غسيل ...
هذا هو أسم المدونه
ليه حبل غسيل ..؟
التفسير اللغوى للكلمه
العنوان يتكون من شقين
الاول
الحبل ..كلمه كثر استخدمها كثيرا
حبل الله ...حب الود ..حبل الصبر ...حبل الوريد ...حبل الوصل ....حبل الغسيل
حبل ده ولا موش حبل ..حبل
يبقى ليه زعلانين من الحبل ..
مؤكد سبب الزعل هو الغسيل
الغسيل
احدى طرق التظيف حيث يستخدم الماء مع الصابون (او المسحوق سواء تايد اومو اريال برسيل ..بونكس براحتكو )
وذلك يتم عن طريق اليد او الغساله اوتامتيك او الهاف اوتامتيك او الفوق اوتوماتيك
ولان لابد للغسيل من حبل ينشر عليه لابد للافكار من مدونه تنشر عليها (شوفتو البلاغه بقى )
وتطورت علاقتى بحبل الغسيل تبعا لتطورى العمرى
فى فتره طفولتى البريئه كنت بحب العب بحب الغسيل واربط نفسى وامثل انى مخطوفه
وفى فتره طفولتى المتشرده كنت بربط اخواتى بنفس ذات الحبل واعمل نفسى رئيسه عصابه
و اما كبرت ووصلت لمرحله الافتراس كنت بربط العصافير والحيوانات ...واجرهم واعمل نفسى هانم (شفتوا الفلسفه الاول اكون ضحيه وبعدين حراميه و بعدين اجنى ثمار تعب السنين وابقى هانم )
اما شببت عن الطوق و ابتديت اتعرف على الواجبات المنزليه وشغل البيت كان حبل الغسيل او نشر الغسيل بمعنى أدق أولى تلك الواجبات المنزليه ....
وكانت أولى الاحتكاكات بعالم الكبار ..
انتى يا ست ياللى فوق غسيلكو بينقط علينا ......
حبكت تنفضى السجاجيد دلوقت ...........
روحى يا بعيده منك لله ده احنا غسلين أبيض النهارده ....
وفى هذه الايام يقف حبل الغسيل حائل بينى وبين القاء نفسى من بلكونه بيتنا الكائن فى الدور الحادى عشر
واحيانا دعوه مفتوحه للانتحار شنقاً أذا خلت بيا السبل والوسائل
و أخيرا ...حبل الغسيل أسم روايه احمد على بكثير المفضله بالنسبه لى
ألا يستحق هذا العزيز أن أسمى مدونتى بأسمه ....؟
التسميات: بخور, حبل غسيل فدوى
14 Comments:
Subscribe to:
تعليقات الرسالة (Atom)
مدونة رائعة
دعيني اسجل اعجابي الشديد بمهاراتك الأدبية والكتابية والتدوينية
و اهنئ مجال التدوين بقدومك كمدونة جديدة موهوبة جدا
واتمنى لكي التوفيق دائما و أبدا
محتاجين حبه تظبيطات كتير
بس بما انك اول زبون ....
دعنى انا ايضاً اسجل اعجابى بفصاحه لسانك ...
واتمنى ان اكون عند حسن ظن سيادتكم
مبارك عليكي خروج المدونة للنور
الفكرةجديدةومجنونةلوانه مش جديدعليكي من يوم ماعرفتك..كملي على كدة واوعي تغيري
المهم ان مش اى غسيل يتنشر
ومش اى حبل يستحمل الغسيل
تمنياتى بالتوفيق فى اعداد غسيلك
.... كم يسعدنى رؤية قلم يحرر من سجنه الخشبى ليجد للنور متنفسا .... فلتسطرين عزيزتى تاريخك و لتسطرين كلماتا حروفها ذهبية .... يذكرها لك التاريخ .... و لتنثرى أريجا يملأ الكون بالعلم و الأدب ....
فقد آن .... فقد آن يكتب قلم فدوى و يرى ما يكتبه الجميع
قلم عليا
ربنا يزيدك يا بنتي كمان وكمان
ويطول حبل الغسيل ويبيض غسيلك قادر كريم:)
شكراً يا حبيبتى بجد ...وماتقلقيش مش ناويه أعقل ابداً
علا...
اه ما انا عارفه فاكره ابداعى فى قصه الذبابه والفارما ...ده المتوقع منى
لكن الغسيل مايثبتوش غير المشابك المتينه ...
أرجو ان يكون تفسيرى لموضوع حبل الغسيل اشعركو بمدى اهميه الحبل فى حياتى ...
عليا ...اتمنى ان يتحرر قلمك انت ايضا وقريبا
والى ان تجدى حبلك اتمنى تنشرى بديع غسيلك عندى
واى حد عندو غسيل ...هو عارف طريق الحبل بتاعى
وانا حدى له المشابك من عندى
أشكرك على مجامله الرقيقه يا نسوم وعاوزيين مشابكك دايماً
انا شعارى الشفافيه...
الشفافيه الكامله
enti f3ln dymn bahrani b eslobek el ra23 w tree2t tfkerek el fo2 el 5yal di....
bgd
enti mwhba tst7q el taqdeer ya a7la dodda
w yarb msh t7remeena mn ebda3atk dymn
ana 2artha aho...lsa z3lana b2aa:)
5ali 2lbk abyd zy '3seelk ya sa7bt el tfola el bree2a ^_^