_03.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
اسـتـبـشـروا
قبل يوم واحد
الخميس، 3 سبتمبر 2009
أطالب بعلمنه التكسيات ...
نعم التكسيات الى هى عربيات الاجره ..والحافلات ...وجميع وسائل النقل الى ليها سواق
لقد تكررت معى عده مواقف ..اقرأ وتأمل و هذا حدث بالفعل
استقليت سياره أجره (تاكسى يعنى ) طبعا كعادتى
فتحت الباب و قلت السلام عليكم (ماعتقدش انى بقول السلام عليكم كنوع من التدين بقدر ماهو عاده )
وكان الرد وعليكوالسلام
مافيش خمس دقايق ولاقيت الكاسيت اشتغل ...أصوات متضاربه ....همس تاره ...و صياح اخرى
ولأنى كنت منشغله بما فى يدى كالعاده (بحط عينى فى كتاب او كراسه المحاضرات و بلعب لعبه سوق عكاظ اكتب بيت شعر ومن اخر حرف اكتب بيت شعر تانى وهكذا وممكن اقعد العب فيها ساعات وتلاقى الملحصه مش اكتر من خمس ابيات شعر الى افتكرتهم بقى )
لكن تضارب الاصوات جعلنى انتبه ...
وكانت الكلمات التى لازلت راسخه فى ذهنى الى الان
وهو لا مـــحكوم عليـــــه ولا ليه حتى علاقــــــة بيه...مافهمتش حاجه بس ركزت اكتر
، إنسان وعلشان بيحبـــه أتحمل ألم الصــلـــب..... صلب ...صلب ...صلب طبعا ده صدى الكلمه جوايا ..اعتقد انى تقريبا بحلقت ...برقت ..المهم ان كان فيه تفاعل مع الكلمه
وجنود بتضرب بقســوة ومــيعرفوش انــه الرب..... لا لا خلاص دى بانت لبتها كده
اه يا ابن (......)مشغل الكلام ده وانتا شايف انى مسلمه داخله بقولك السلام عليكم ولابسه حجاب قد كده (كل ده جوايا طبعا ما نطقتش ولا كلمه )
بضرب عونيا على تابلوه العربيه لاقيت صوره بديعه تشبه عذراء الصخور فى تكوينها (بيرمادونا اوف ذا روكس ) تحمل فيها السيده مريم العذراء الوليد المقدس و تمسهم اجنحه ملائكيه نورانيه ...وتحيط برأسيهما تلك الهاله ...
بغض النظر عن اى شئ الصوره بديعه ....
رفعت عينى لفوق شويه لقيت مايشبه المسبحه متدلى منها صليب خشبى ذو لون بنى محروق ...
كم أحب هذا اللون ...
وانا كانت فين عنيا دى وانا بركب ركبت وكده عادى وبسلم
طيب ماهى كانت باينه من الاول ,,,ماشى ماشى
رغم ذلك استمعت الى باقى الانشوده فلم استطيع ان أصرف نفسى عن الاستماع واهو بردو الواحد يقيم الكلمات بردو ...
،،، ودم سال في الـدرب يغسل نـفوس ارتكبت ذنب،،، ومــسمار يصــرخ لا دا مــلهوش آي ذنـــــب ،،، وجموع تبكي بدمــوع وجمــوع تـــقول الصــلـــب ،،، وصار الموكب أمامه الرب شايل صلــــيب العار بحــب ،،،والكرابيج نازلة ضرب... ضرب ويجري ......................
تلاشى الصوت ببطء رغم يقينى ان الانشوده لسا ماخلصتش مين ده الى يجرى ....
يا أنسه هنا ولا قدام ....
هاااه لا هنا هنا شكرا
السلام عليكم (ايه الغباء ده ما انا عرفت انو مسيحى لازم السلام عليكم تانى )
نزلت من التاكسى وانا فى حاله تساؤول ...
1-هو شغل ليه الانشوده دى وهو موقن ان انا مسلمه بيستفزنى مثلا ؟
2-هل لو كنت طلبت منو انو يقفل الصوت كان استجاب ؟
3- هل ده يعتبر تعدى على حريتو الشخصيه .
4- أن كنت انا اول مره اواجه هذا الموقف وحصل لى كده ماهو شعور اى مسيحى يوضع فى نفس الموقف ...
بمعنى ....
ماهو حال اى مسيحى او مسيحيه يستقل تاكسى ويجبر على سماع القرآن وآيات الذكر الحكيم ...ماهو مؤكد القرآن بالنسبه له ممكن يعتبر استفزاز تمام زى الانشوده بالنسبه لى رغم ان الانشوده ماكنش فيها سيره مسلمين و لا فيها دعوه تبشيريه مثلا ...طيب أزى الحال بقى
لو محاضره لاحد المشايخ من اتباع نظريه أما الاسلام او الجزيه وبما انهم مش بيدفعو جزيه يبقى خلاص نجبرهم على الاسلام بحد السيف ولو ما اسلموش بقى ذنبهم على جنبهم اموالهم ونساؤهم حل لنا ...
ليه انا زعلانه و متزرزره كده بجد رغم ان ماحصلش حاجه فعلا ...
طيب الاخوه الاقباط ايه شعورهم بجد اما بيقابلوا موف زى ده ..بيكون فى وى حالتى كده ..حقا انه شئ مؤسف ...
انك تشغل قرآن او محاضره تأذى بيها راكب ماعتقدش انو دليل على التدين ...وبعدين هل انت منصت للقرآن الى بتشغلو ده
واين انت من سماحه الدين ونور القرآن الى مشغلو اما يحك فيك حد او حد يزغزغلك العربيه وتنهال عليه بالسباب والشتم واللعن ....
بلاش استفزاز وحرق دم البلد اصلا محتقنه خلقه ...
ولذا رجاء...علمنوا سيارات الاجره أثابكم الله
15 Comments:
Subscribe to:
تعليقات الرسالة (Atom)
واعتقد اننا نحتاج لزيادة الوعي بفكرة تقبل الاخر
فليسمع المسلم ما شاء والقبطي ما شاء ولكن بدون الصوت المفرط في العلو
i like it soo much..
look i disagreed wid u when u were mad at the taxi driver playing his religious song..we're in a country of more than 6% christians..so u cant avoid hearing their thoughts if not listening to..'n cant tell him to stop laborating cozit's completely ufair..COEXISTENCE is what we need..beleif in ur heart will protect u from either melting with or being offended by other cultures..
neither Quran nor Bible should be a reason for annoyig christians or muslims...
i cant deal wid dis "comment under name" part loool
بالنسبة لموضوع البوست
لماذا اعتبرتي ان قيام السائق بتشغيل كاسيت عن معتقده الديني اعتداء نفسي عليكي
وهل اذا قام بتشغيل شئ من معتقده الفني_ اغنية لشعبان عبد الرحيم مثلا يعتبر اعتداء عليكي في حالة اذا كنت تهوين سماع الأوبرا
يعني السؤال هل تقومين باستأجار السيارة شاملة الكاسيت و تقومين بطلب سماع ما يناسبك فقط
طب في حالة الميكروباس يوجد اكثر من راكب
كيف يكون الحال مع اختلاف الأذواق
ام ان الحل الغاء اجهزة الكاسيت و الراديو من وسائل المواصلات
رأيي اننا نصعب الأمور علي انفسنا
فليقم كل منا بالأستماع لما يشاء دون ان يفرض علي الاخرين ان يستمعوا معه اما اذا اضطرتني الظروف فالأمر بسيط و لن يصيبني باضرار نفسية جسيمة بل هي فرصة لأسمع ما يحب ان يسمع الاخرين
اولاً أستاذ طارق ...
الله يبارك فى حضرتك
انا فعلا اعتبرتو اعتداء نفسى ...وأعتبر انو لو أتكرر مع غيرى بردو حيكون اعتداء نفسى ..
اما بالنسبه للمعتقد الفنى كان ممكن ساعتها أخد الامر بتريقه او بشئ من السخريه مع السائق ..لأننا لا نقدس الفن مثلا ...بس بردو ماكنتش حعترض ...لأن دى عربيتو وهو حر فيها ...
اما فى حاله الميكروباص بقى انا أفضل ان يعمل السائق فى صمت ...بجد كفايه عليه لم الاجره وحكاوى الناس ...
" فليقم كل منا بالأستماع لما يشاء دون ان يفرض علي الاخرين ان يستمعوا معه "
هذا ما أحلم به ...
بالنسبه للضرر النفى فبيختلف حسب نوع الشخصيه و قوه الاعتداء ...
أشكر سيادتك على الاهتمام والرد
حكاءه دى شتيمه ولا أيه ؟؟؟؟
هههههه بجد اتمنى انى أكون عند حسن ظن سيادتك
وماتحرمنيش من مشابكك
COEXISTENCE
التعايش ....كلمه جميله للغايه
طيب الاخر حيتعايش أزاى وهو حاسس انو مضطهد ...
احيانا اما بسمع محاضره لأحد الدعاه الوهابي الفكر غالبا ..بشعر انى خطيئه متحركه ..
لاحظى انا مسلمه و الشيخ مسلم وبحس انو مضطهدنى
فما بالك بحد ممكن يقول عليكى كافره بقى ...لا وبيحشر لك الكلمه فى ودنك ..وانتى راكبه معاه ومضطره تقبلى ...
اعتقد هذا ينافى التعايش ..
انا مع الدين والتدين ورسوخ المبدأ واحترام المعتقد ..
انما مع أحترام الاخر ايضا وقبوله وحقه فى الحياه ...
احترام الاخر حيخلينى ما أعترضش على معتقدك بس احترامك ليا مايخلكيش تفرضى عليا معتقدك ..
وهنا يحصل تعايش
" i wonder what happened "
الى حصل ان كل واحد بقى متمسك بقشره الدين وساب اللب
غابت السماحه ...
أنتشر فكر متطرف بجد ..علمنا أزاى نكره بعض ونكره نفسنا كمان ..
شكراً على الاهتمام والتعليق
ركبتى التاكسي وقولتى سلام عليكوا كعادة وليس تمحيص وتفحيص فى سائق التاكسي هل هو مسلم اقول السلامو عليكو ولا مسيحي اقول صباح الخير او مساء الخير..وغلبت العادة وقولتى التحيه ..وركبتى واذا كان السائق فعلا مشغل الكاسيت بس انتى لسه فى حالة الاستقرار على كرسي التاكسي ..وعندما استقريتى انتبهتى للكاسيت وبالكلام اللى يمكن اول مرة تسمعيه او مرات نادرة سمعتيه قبل كدا...يأتى هنا السؤال:
كنتى هاتحسي بنفس الاحساس اللى حستيه لما ركبتى وبعدين شغل الكاسيت بما يحويه ؟؟؟؟
ويقاس على ذلك المسلم
بالرغم ان المسلم مش كتير يتضحله الامر ان اللى راكب معاه ده مسيحي
الا لو كان يرتدى مايدل على ذلك
ايوة يجب علينا احترام حريات الاخرين ..بس ماحدش يدوس على حريتنا ولا يحسسنا بالاضطهاد او التقليل من عزتنا
فدوى فريد اخرى وكمان من اسكندريه
مممممممم والله يا دودى اعتقد ماكنتش على الاقل حسيت انو قاصد يفرسنى
بس ممكن بردو يكون فعلا مش قاصد يفرسنى وانا الى عقلى مريض اوى كده او خدتها بحساسيه ...
وزى ماقلت أحترامى لاخر يمنعنى من فرض رأى لكن احترامى لذاتى يجبرنى على رفض فرض رأيك عليا ...
يعنى انا اهو بقى
هو مش عقلك المريض ..ولكن عقول اخرى ..وبلاش نخبط بقى فى الحلل تيجي على دماغنا
يوووووووووه الراجل ده نسانى اقولك مدى اعجابي بمدونتك..اول مرة ارتبط بمدونة كدا
عايزين نعمل علامة نتعرف بيها احسن الناس تتلغبط
بصى انا كاتبه فدوى فريد فتحى ..
ده كده الثلاثى ...اكتبى انتى كمان اسمك الثلاثى
اوعى يكون جدو بتاعك كمان اسمو فتحى بجد يبقى كده كتيــــــــــــــــر